Ungfolar

Breki
Breki

Nokkrir ungir graðfolar eru í uppeldi hjá okkur, meðal þeirra eru bræðurnir undan Auðnu, Abraham fæddur 2008 og Alexander fæddur 2009. Abraham hefur þegar verið ráðstafað sumarið 2010 og 2011 og forsjálir hrossaræktendur hafa pantað Alexander fyrir árið 2011.

Frændi þeirra Breki sem er undan Auð og Brönu Galdursdóttur var notaður á Ytra-Hólmi síðastliðið sumar. Hann er tveggja vetra og til í að sinna hryssum næsta sumar.

Uppfærð síða

Nú er búið að uppfæra síðuna okkar og munum við setja inn fréttir af hrossunum okkar eftir því sem tilefni gefst til.
Allir stóðhestar eru komnir heim eftir gott sumar, voru allir í hryssum nema Leiftri. Hann keppti í B flokki á fjórðungsmótinu og stóð sig nokkuð vel, komst í b-úrslit hjá Marjolijn Tiepen. Eftir mótið fór hann til Birnu Tryggvadóttur á Stað sem keppti líka á honum, m.a. á íþróttamóti Dreyra þar sem hann komst í b-úrslit í fjórgangi.
Birna er einnig með alhliða hryssu frá okkur, Brá 6 vetra, sem er undan Dyn frá Hvammi og Brönu Galdursdóttur. Brá kom líka býsna vel út úr keppnum sumarsins.
Alur er nýfarinn í þjálfun til Jakobs Sigurðssonar. Hjá honum er líka Alma, þriggja vetra hryssa undan Auðnu og Bjarma, alsystir Asa.

Stóðhestafréttir

Auður verður á húsi hjá Maríu Þórarinsdóttur í Fellskoti, sími 899 9612. Fyrra tímabil hjá Einari á Brúnum, sími 863 1470 og seinna tímabil hjá Jóni og Bertu  í Miðhjáleigu í Landeyjum, sími 894 6406.

Alur verður á Stóra-Kroppi í  Reykholtsdal eftir FM , umsjón hefur Bryndís í síma 862 4341. 

Asi verður á vegum Óðins hjá foli.is eftir FM, sími 866 1230.

Geisli verður trúlega á Suðurlandi  –  skýrist síðar.

Leiftra er óráðstafað  – skýrist síðar.